धाराशिवचे जिल्हाधिकारी डॉ. सचिन ओम्बासे अडचणीत

काय आहेत आरोप?

• पाच वेळा दिली परीक्षा: सुभेदार यांच्या म्हणण्यानुसार, डॉ. ओम्बासे यांनी केंद्रीय लोकसेवा आयोगाची परीक्षा पाच वेळा दिली. पहिल्या चार  वेळा त्यांनी ओपन कॅटेगिरीतून परीक्षा दिली, मात्र अपेक्षित यश मिळाले नाही. पाचव्यांदा त्यांनी ओबीसी प्रवर्गातून परीक्षा देऊन नोकरी मिळवली.
• उत्पन्न मर्यादेपेक्षा जास्त: डॉ. ओम्बासे यांचे वडील प्राध्यापक होते आणि त्यांचे उत्पन्न नॉन क्रिमिलियर प्रमाणपत्र मिळण्यासाठी असलेल्या मर्यादेपेक्षा जास्त होते. असे असतानाही त्यांनी बोगस प्रमाणपत्र सादर करून ओबीसी प्रवर्गातील आरक्षणाचा लाभ घेतल्याचा आरोप आहे.
• डॉ. ओम्बासे यांची आर्थिक परिस्थिती सक्षम – डॉ.  सचिन ओम्बासे यांचे वडील प्राध्यापक होते तसेच त्यांचे काही नातेवाईक उच्चपदस्थ अधिकारी आहेत. असे असतानाही त्यांनी कमी उत्पन्न दाखवून ,शासनाची फसवणूक केली आहे.
• बोगस प्रमाणपत्र: सुभेदार यांनी दावा केला आहे की डॉ. ओम्बासे यांनी सादर केलेले नॉन क्रिमिलियर प्रमाणपत्र बोगस आहे.

पुढे काय?

केंद्रीय लोकसेवा आयोगाने सुभेदार यांची तक्रार गांभीर्याने घेतली असून पुढील चौकशीसाठी ती केंद्रीय सचिव, भारत सरकार यांना पाठवली आहे. आता या प्रकरणाची सखोल चौकशी होणार असून डॉ. ओम्बासे यांना त्यांचे म्हणणे मांडण्याची संधी मिळेल. जर आरोप सिद्ध झाले तर त्यांच्यावर कारवाई होण्याची शक्यता आहे. या प्रकरणामुळे धाराशिव जिल्ह्यात खळबळ उडाली आहे.

डॉ. सचिन ओम्बासे यांच्याविरुद्ध लोकसेवा आयोगाकडे दाखल झालेली तक्रार