भूम – जुनी वाळलेली झाडें तोडण्याची परवानगी देण्यासाठी दोन हजार रुपये लाच घेताना भूम वन परीक्षेत्र कार्यालयातील वनमजूर रियाज रशीद किल्लेदार यास धाराशिवच्या एसीबी पथकाने रंगेहात पकडून गुन्हा दाखल केला आहे.
यातील तक्रारदार ( पुरुष, वय 32 वर्षे ) यांच्या आईने वनक्षेत्रपाल अधिकारी कार्यालय, वनविभाग भूम यांना दि. 16.02.2024 रोजी मौजे वाघोली येथील शेत गट नंबर 12 मधील जुनी वाळलेली झाडें तोडण्याची परवानगी मिळणेकरीता अर्ज दिला होता सदर झाडे तोडण्याची परवानगी वरिष्ठाकडून मिळवून देण्यासाठी यातील आलोसे रियाज रशीद किल्लेदार , धंदा-नोकरी, पद -वनमजूर ,वन परीक्षेत्र कार्यालय भूम जि. धाराशीव यांनी तक्रारदार यांच्याकडे पंचांसमक्ष 2000 रुपये लाचेची मागणी करून स्वीकारल्याने त्यास ताब्यात घेण्यात आले असुन पोलीस स्टेशन कळंब, ज़िल्हा धाराशिव येथे गुन्हा दाखल करण्याची प्रक्रिया चालु आहे.
हा सापळा पोलिस निरीक्षक विकास राठोड,, पोलीस अमलदार मधुकर जाधव , विशाल डोके यांनी रचला होता.
लोकसेवक अथवा त्यांच्या वतीने कोणी खाजगी व्यक्ती कायदेशीर काम करून देण्यासाठी लाचेची मागणी करत असेल तर खालील नंबरवर संपर्क साधावा
कार्यालय 02472 222879 – टोल फ्री क्रमांक.1064
