तुळजापूर : नळदुर्ग पोलिसांनी जुगारविरोधी कारवाई करत गुळहल्ली शिवारात छापा टाकून 87 हजार 600 रुपये रोख रक्कम व जुगाराचे साहित्य जप्त केले. या कारवाईत सात जणांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, 12 ऑगस्ट 2026 रोजी सायंकाळी 7 वाजण्याच्या सुमारास गुळहल्ली शिवारातील मच्छिंद्र बनछेडे यांच्या शेतातील घराजवळ तिरट-मटका जुगार सुरू असल्याची माहिती पोलिसांना मिळाली. त्यानुसार नळदुर्ग पोलिसांच्या पथकाने तेथे छापा टाकला.
यावेळी मल्लीनाथ आप्पाराव पटने (वय 29), गणेश मारुती क्षीरसागर (वय 38), सचिन वसंत चव्हाण (वय 35), काशिनाथ विश्वनाथ हलकंबे, रंगा बळी निकम (वय 50), रामनागनाथ हलकंबे (वय 43), सर्व रा. गुळहल्ली, ता. तुळजापूर तसेच राहुल चनबसप्पा चज्ञैगुले (वय 34, रा. सुलतानपूर, ता. अक्कलकोट, जि. सोलापूर) हे जुगार खेळताना आढळून आल्याचे पोलिसांनी सांगितले.
पोलिसांनी कारवाईदरम्यान 87 हजार 600 रुपये रोख रक्कम आणि जुगाराचे साहित्य जप्त केले. याप्रकरणी नळदुर्ग पोलीस ठाण्यात महाराष्ट्र जुगार प्रतिबंधक कायदा कलम 12(अ) अन्वये गुन्हा दाखल करण्यात आला आहे. या प्रकरणाचा पुढील तपास नळदुर्ग पोलीस करीत आहेत.
