परंडा – शहरातील साई कॉलनी परिसरात विनापरवाना लोखंडी कोयता, सुरा आणि गुप्ती बाळगल्याप्रकरणी २५ वर्षीय तरुणाविरुद्ध परंडा पोलीस ठाण्यात गुन्हा दाखल करण्यात आला आहे. पोलिसांनी संबंधित शस्त्रे जप्त केली असून त्यांची एकूण किंमत १ हजार ३०० रुपये असल्याचे पोलिसांनी सांगितले.
पोलिसांनी दिलेल्या माहितीनुसार, धिरज कांतीलाल पवार (वय २५, रा. कुर्डुवाडी रोड, साई कॉलनी, परंडा) याच्या घरी १४ ऑगस्ट २०२६ रोजी रात्री साडेआठ वाजण्याच्या सुमारास पोलिसांना लोखंडी कोयता, सुरा आणि गुप्ती अशी शस्त्रे आढळून आली.
लोकांच्या जीवितास धोका निर्माण होईल अशा प्रकारची ही शस्त्रे कोणताही परवाना नसताना बेकायदेशीररीत्या स्वतःजवळ बाळगल्याचा आरोप पोलिसांनी केला आहे. कारवाईदरम्यान पोलिसांनी कोयता, सुरा आणि गुप्ती जप्त केली.
याप्रकरणी परंडा पोलीस ठाण्यातील पोलीस हवालदार भुजंग सुखदेव आडसुळ यांनी फिर्याद दिली. त्यांच्या फिर्यादीवरून शस्त्र कायदा कलम ४, २५ तसेच महाराष्ट्र पोलीस कायदा कलम १३५ अन्वये धिरज पवार याच्याविरुद्ध गुन्हा नोंदवण्यात आला आहे.
या प्रकरणाचा पुढील तपास परंडा पोलीस करीत आहेत.
