तुळजापूर – महाराष्ट्राची कुलस्वामिनी श्री तुळजाभवानी मंदिर ट्रस्टचा वित्त व लेखाधिकारी लाचखोर निघाला आहे. एका शासकीय कॅान्ट्रॅक्टरकडून १० लाखाची मागणी करून, ६ लाख लाच घेताना एसीबी पथकाच्या जाळ्यात अडकला आहे.
सिध्देश्वर मधुकर शिंदे ( वय-३९ वर्षे ) असे या वित्त व लेखाधिकाऱ्यांचे नाव आहे. दहा लाखेच्या लाचेमध्ये नेमके कोण कोण वाटेकरी होते, याचा शोध एसीबी अधिकारी घेणार का ? याकडे आता लक्ष वेधले आहे.
त्याचे असे झाले, यातील तक्रारदार हे शासकीय कॅान्ट्रॅक्टर असुन तक्रारदार यांना श्री. तुळजाभवानी मंदिर संस्थान, तुळजापुर संचलीत श्री तुळजाभवानी सैनिक विदयालयाचे प्रशासकीय इमारतीचे पहिल्या मजल्याचे तसेच प्रवेशद्वार व संरक्षक भिंतीचे बांधकामाचे 3 करोड 88 लाखाचे कान्ट्रॅक्ट मिळाले होते. सदर बांधकामाचे 90% काम पुर्ण झाले आहे. सदर बांधकामाचे आत्तापर्यंत 2 करोड पेक्षा जास्त बिल तपासणी करुन मंजुरीसाठी पाठवून मिळवून दिले म्हणुन तसेच उर्वरीत बिल तपासणी करुन मंजुरीसाठी पाठविणेकरीता तसेच अतिरिक्त सुरक्षा रक्कम म्हणुन भरलेली 34,60,579/-रु ही परत मिळवून देण्यासाठी आलोसे याने पंचासमक्ष 10,00,000/- ( दहा लाख रुपये) ची मागणी करुन तडजोडीअंती 6,00,000/-रु ( सहा लाख रुपये) स्विकारण्याचे मान्य करुन आज रोजी पंचासमक्ष 6,00,000/-रु लाच रक्कम स्विकारताना ताब्यात घेतले असुन पोलीस स्टेशन तुळजापुर, ज़िल्हा धाराशिव येथे गुन्हा दाखल करण्याची प्रक्रिया चालु आहे.
हा सापळा पोलीस उपाधीक्षक सिध्दाराम म्हेत्रे,पोलीस अमलदार दिनकर उगलमुगले, सचिन शेवाळे, आशीष पाटील यांनी यशस्वीरीत्या रचला होता. लोकसेवक अथवा त्यांच्या वतीने कोणी खाजगी व्यक्ती कायदेशीर काम करून देण्यासाठी लाचेची मागणी करत असेल तर खालील नंबरवर संपर्क साधावा, असे आवाहन करण्यात आले आहे.
कार्यालय 02472 – 222879 टोल फ्री क्रमांक.1064
