धाराशिव: शासकीय आयुर्वेदिक महाविद्यालयाच्या वसतिगृहातील परिस्थिती दिवसेंदिवस बिकट होत चालली आहे. विद्यार्थी अन्यायकारक दाटीवाटीत राहत आहेत, तर जेट्न्स होस्टेलच्या परिसरात दारूच्या बाटल्यांचा खच पडलेला आहे. डीन गंगासागरे यांच्या निष्क्रीय कारभारामुळे विद्यार्थ्यांच्या सुरक्षेचा प्रश्न निर्माण झाला आहे.
📌 लेडीज होस्टेलमध्ये विद्यार्थिनींची कोंडी!
- एका रूममध्ये फक्त दोन विद्यार्थिनींना रहाण्याची सोय असताना चार विद्यार्थिनींना कोंबण्यात आले आहे.
- यामुळे दाटीवाटीत राहण्याची वेळ विद्यार्थिनींवर येत असून, सुरक्षिततेच्या दृष्टीनेही ही परिस्थिती धोकादायक आहे.
- सुविधांचा अभाव आणि प्रशासनाचे अक्षम्य दुर्लक्ष यामुळे विद्यार्थी त्रस्त आहेत.
📌 जेट्न्स होस्टेल शेजारी दारूच्या बाटल्यांचा खच! – शिस्त कुठे आहे?
- जेट्न्स होस्टेलच्या बाजूला मोठ्या प्रमाणात दारूच्या बाटल्या पडलेल्या आढळल्या आहेत.
- शासकीय महाविद्यालयाच्या परिसरात अशा गोष्टी होत असतील, तर याला जबाबदार कोण?
- विद्यार्थी दारू पित आहेत, की बाहेरचे लोक येऊन परिसराचे वातावरण खराब करत आहेत?
📌 डीन गंगासागरे यांचा वचक संपला का?
- स्वतः डीन गंगासागरे हे अनेक गैरव्यवहारांमध्ये अडकले असल्याने, कर्मचारी आणि व्यवस्थापनही बेफिकीर झाले आहेत.
- महाविद्यालयाच्या वसतिगृहात काय सुरू आहे, याची कोणतीही खबरदारी घेतली जात नाही.
- विद्यार्थ्यांच्या सुरक्षेची जबाबदारी कोण घेणार?
➡️ प्रशासन काही करणार की विद्यार्थ्यांनाच आंदोलन करावे लागेल?
वसतिगृहातील विद्यार्थ्यांची गैरसोय, सुरक्षिततेचा प्रश्न आणि शिस्तभंगाच्या घटनांबाबत डीन गंगासागरे आणि व्यवस्थापनाला जबाबदार धरण्यात येईल का? की हे प्रकरणही दुर्लक्षितच राहणार?
👉 धाराशिव लाइव्ह या प्रकरणावर अधिक तपास करत राहील!
