धाराशिव – कायम दुष्काळी म्हणून ओळखल्या जाणाऱ्या धाराशिव जिल्ह्यात यंदा पावसाने चांगली साथ दिली आहे. त्यामुळे धाराशिव शहराला पाणीपुरवठा करणारे तेरणा धरण ओव्हरफ्लो झाले आहे. यामुळे परिसरातील 1652 हेक्टर शेती ओलिताखाली येणार असून शेतकऱ्यांमध्ये आनंदाचे वातावरण आहे.
धाराशिव जिल्ह्यात गेल्या काही वर्षांपासून पाण्याची टंचाई भासत होती. मात्र, यंदा चांगल्या पावसामुळे तेरणा धरण पूर्ण क्षमतेने भरले असून धरणातून पाण्याचा विसर्ग सुरू करण्यात आला आहे. यामुळे धाराशिव शहरासह परिसरातील गावांना मुबलक पाणी उपलब्ध होणार आहे.
तेरणा धरण ओव्हरफ्लो झाल्याने परिसरातील 1652 हेक्टर शेती सिंचनाखाली येणार आहे. यामुळे शेतकऱ्यांना मोठा दिलासा मिळाला आहे. यामुळे रब्बी हंगामातील पिकांसाठी पुरेसे पाणी उपलब्ध होणार आहे. धाराशिव जिल्ह्यातील शेतकरी पावसाच्या भरवशावर असतात. यंदा चांगला पाऊस झाल्याने शेतकऱ्यांच्या चेहऱ्यावर हसू फुलले आहे.
